此篇乃海母後記

「好了，不要再笑喇∼」她鼓起兩腮，一臉紅蘋果般。

「．．．咳，咳，係，唔∼行啦，去玩其他野．．．」急促收起笑容，換來不自然的表情，我只好東張西望，顧左言右去「．．．唔，不如去行下其他展館先，轉頭先去玩機動遊戲啦．．．」

「年紀大呀∼吓？驚呀？好，我都想睇下其牠動物先∼行啦，行啦」她邊行邊說，一個箭步挽我手急步前行，雙瞳不自覺添上興奮的神色。

「甘心急呀，好想去睇海洋館呀∼定係『海母』館嘛？哈．．．」頑皮是改不了，本想以高八度強調海母二字，再行嬉笑一番，不過被她如死光的一記白眼了結本意。

一行兩人踏入迷幻的水母館，眼前大小形狀各異的水母群，在黑暗與彩光交錯中表演著水底韻律泳以示歡迎。離去時，我對著開心不已的她說：「睇下你開心到好似個小朋友甘∼嘻！」

她一手抱著剛買來作紀念的純白『海母』娃娃反駁起來「咩小朋友呀，依架即係話我低B啦？」

危險氣味撲鼻而來。我當然知情識趣地道「唔係，你諗多左啦，話你開心到手舞足蹈唧。」

她也不甘示弱地回嘴「邊係手舞足蹈呀！只係去完海洋館、手母館、鯊．．．」

．．．．．．

哈哈！我毫不客氣地大笑出聲，你說啥手母？繼海母後再加手母，哈哈！

她臉如火燒，紅得像紅彤彤的大蕃茄。

不過，怎紅也比不上她頭頂燒得火紅。

中秋佳節，應節食品繁多，各式月餅傾巢出籠，甜的咸的任君選擇，其中一種食品叫菱角。菱角狀似黑色牛角，食法是將堅硬的果殼剝除，取其中果肉食用，而味道方面她有以下注解。

「你有無食過菱角？」在一商場電梯上，她忽然問我。

「無呀，菱角係咪黑色，好似牛角甘？咩味？類似杏仁？」我好奇地問。

「係呀，好好味，但係無味囉。」她雀躍萬分地說。

．．．．．．

如果是無味，何來可以試到好味呢？

又一次大笑不止。

不過，換來頭上几記菱角。